Allura għaliex din l-aħbar eċċitanti?

Il- Kmamar Ewropej tal-Kummerċ u l-Industrija jirrappreżentaw 'il fuq minn 20 miljun kumpanija permezz ta' 45 membru nazzjonali u transnazzjonali u netwerk Ewropew ta' 1 700 kamra tal-kummerċ reġjonali u lokali. Li jkollna netwerk daqshekk vast ġewwa tagħna se jgħinna nxerrdu l-messaġġ tagħna aktar fost l-SMEs fl-UE.

X'inhi l-istrateġija tiegħek?

L-istrateġija tagħna hija li nidentifikaw l-atturi ewlenin u nkabbru kollaborazzjonijiet sodi sabiex inkunu nistgħu nispiraw lin-negozji tal-UE biex jipproteġu l-assi tan-negozju tagħhom permezz tal-proprjetà intellettwali. Dan il-ftehim iservi biex jippromwovi l-inizjattivi u s-servizzi tagħna permezz ta’ webinars konġunti, avvenimenti, studji u attivitajiet oħra relatati li se jkollhom impatt dirett fuq l-SMEs Ewropej.

Ir-raġuni ewlenija għaliex l-SMEs ma jużawx l-IP hija minħabba 'nuqqas ta' għarfien/informazzjoni'. Il-bini ta' netwerk kollaborattiv b'saħħtu li jirreplika l-messaġġi b'mod konsistenti huwa għalhekk essenzjali meta nilħqu lill-SMEs.

X'jagħmel in-netwerk Ideas Powered for Business?

In-netwerk Ideat Powered for Business jistimula u jsaħħaħ bidliet fl-imġiba lejn l-IP, l-innovazzjoni u t-tkabbir, biex jissaħħu r-relazzjonijiet eżistenti u biex jinbnew kollaborazzjonijiet ġodda mal-SMEs Ewropej.

In-netwerk issa jinkludi 10 organizzazzjonijiet li huma konnessi mill-qrib mal-SMEs Ewropej mill-oqsma tal-innovazzjoni, il-finanzi, id-diġitali u l-kontabilità u issa jinkludi l-Kmamar Ewropej tal-Kummerċ u l-Industrija.

X'inhi l-aħjar parti?

Dan huwa biss il-bidu.

It-tim tan-netwerk Ideas Powered for Business